NYIMBO CIA IBUKU 15 - 39

  ANDU AINGI NIMEKUGARURUKA 1. Andu aingi nimekugaruruka, Gwa Caitani mate mioyo yao Na mate wira uria marutite Mena ng’aragu na thina munene Monio miago ya ihinda inyinyi   2. Miago ya bururi wa Misiri Yatigirwo ni Musa akimirega Akiuga ni kaba nyone thina Hamwe na andu a Ngai rugendo-ini Gukira ngenio matuku manyinyi   3. Mioyo ya andu othe a thi ni minyinyi Mahetwo ya matuku manyinyi Mioyo ya matu-ini ndigathira Andu makinya kuo matigakua Magatuura muoyo ta araika   4. Ngucoka kwenda ki thi-ini wa thi? Hetwo Roho Mutheru andongoragie Ngie na utheri muingi ndikahingwo Nyonage ithuki ciothe na marima Maria Caitani enjete njira-ini   5. Ni njiriirwo muoyo utagathira Ona ndona ruo na maithori Na ngerirwo gikeno kinene Na thumbi ya uthamaki utagathira Ninjirigiriire ni ngaheo. (Amina)

  MUTHENYA WA MWATHANI 1. Muthenya wa Mwathani, wa guka guku thi Nduriri niikawona, wi munene muno Gukira muthenya uria, Ngai ombire guku thi Tondu niguo wa ituiro, ria ciira wa Ngai.   2. Nitukaigua matu-ini, mithiire ikigocwo Ya Atheru aria makoiga, we Ngai uri hoti Gaturume uri wama, ni watuonirie njira Mathani maku Jesu, ni matheru mothe.   3. Tukona Iburahimu, mena ciana ciake Isaka na Jakobo, mari uthamaki-ini Nao Anabii othe, mamathiururukiirie Iburahimu egoce, na mathina make.   4. Jesu niagetia Ngai, thumbi cia uthamaki Ciikirwo mitwe yao, nduriri ikionaga Na marutirwo muoyo, uria maigiirwo iguru Tondu ni methurire, muoyo uria wa mwiri.   5. Gaturume akehumba, gutorania gwake Niagatongoria andu aria, moimite mbaara-ini Makahoota Ndamathia, na muhianano wayo Makerwo aya ni thingi, nyamuranie na thi. (Amina)

 GOCA JEHOVA NGAI WA MATU-INI 1.   Goca Jehova Ngai wa matu-ini. Na hinya wa ngoro yaku yothe Na umwende muno na meciria maku Na ugi wa ngoro yaku yothe. Ndugetigire na ndukamakio ni hinya wa thi Ndukarekie igai ritabuthaga   2. Kuigua Mathani nawe ukamahingia, Ni gukirite mahaki mothe Naguo wendani ugakira igongona, Nacio tha igatoria cira wa Ngai.   3. Winyihie muno rungu rwa Mwathani, Wirigiriire muoyo wa Jesu Na ni ugekirwo thumbi ya uthamaki, Nduriri ciothe irurunganite.   4. Ndukanegoce na ugi wa mwiri, Na ndugakenio ni thumbi ya thi, Twakinya iguru thumbi iyo ni ikoma, Na utheri wayo ugatuika nduma. (Amina)

  THA CIA NGAI IROMUIKURUKIRA 1. Tha cia Ngai iromuikurukira, Inyui muikaraga mubatairio. Ni wega wa Ngai wonekage, Cikaro-ini cianyu rugendo-ini.   2. Ngumwira Ngai aromurathima, Inyui mutuire na githethuko, Turi kunogera rugendo-ini, Ni mbara cia thi-ino na magerio.   3. Mutiri hingo mutagakena, Mwarikia kuhota mbara-ini, Mukinye giti-ini gia uthamaki, Muthenya wanyu wa kuhuruka.   4. Tukaheo thumbi cia uthamaki, Na nguo njeru igukenga muno. Na ruthanju rwega rwa thahabu, Rwa guciragira nduriri.   5. Muthenya ucio noguo mugakena, Mbara na magerio iriganire, Mukirorera uthiu wa Mwathani, Mutongoria wanyu rugendo-ini.   6. Kiriro kiingi ni gikoneka, Kñri aria maregire Mwathani, Mamuona agiuka na unene wa ithe, Gutua cira hamwe na aria atheru.   7. Noguo makeriragiria gikuu, Ithenya ria wega wa Mwathani. Matigacoka kuririkana, Ikeno ciothe manona guku thi.   8. Hindi iyo Atheru magakenaga, Hamwe na Araika mucii wa Iguru. Kieha na maithori ni igathi...

  MAUNDU NO MERI MARIA MARIHO 1. Maundu no meri maria mariho Mwaki kana muoyo mundu ecuranie Jehova ena magai meri ma kugayania, Na niakahe mundu na ndericukwo. Aremi iguai kana muikare Hingurai matu kana muhinge Gutiri watho mweru ukite ukoima iguru Mukwirwo tiga uria mwerirwo tene.   2. Adamu athaithirwo ni Ngai akirwo Ndakarie muti uria marikaniire Aria Ngai akimenya akiigua uru agiukira Ngai akimuingata na ndericukwo.   3. Nuhu nierire andu tene merire Akimathaithaga na matiitikie Mai maiyurire thi andu othe makiuragwo Ngai akimanina na ndericukwo.   4. Sodomu no Loti wahonokire Tondu wa uremi uria waiyurite kuo Mwaki ukiura ta mbura andu othe makiuragwo Ngai akimanina na ndericukwo.   5. Musa athaithaniire andu a Isiraeli Kwi Jehova riria maturikite Makirekerio nyoka weru-ini makiuragwo Ngai akimanina na ndericukwo.   6. Naguo uthingu riria waikurukire Iburahimu oiga niawamukira Magia ndugu na Ngai ndacokire kwagana Ngai akimurathima na ndericukwo. ...

ANDU MWIMENYERIEI GWITIGIRA 1. Andu mwimenyeriei gwitigira Ngai mwene hinya wothe. Inyui mwimenyeriei gwitigira Uria wina muoyo na uhoti.   2. Wendo wake ni munene, Tha ciake ni ciyurite biu Ona marakara no taguo. Wakorwo ndukuigua watho wa Roho.   3. Watho wake ni mutheru, Na we witherie uhane take, Warega kumenya ndeto ciake, Ni kuri na hinya atwarane nawe.   4. Ndeto ciake cioimire iguru, Nacio ciaku no cia guku thi Hatari na uhoti wa Mwathani Undu ucio wi hinya ndungihoteka.   5. Maitho make nimaroraga, Ciana ciake cia gikeno, Ona matu make nimekuigua. Mahoya ma ciana ciake cia gikeno.   6. Nake niamahete hinya, Wa kuhota mbara ya thi-ino. Na yathira mambate iguru, Makahuruke thina uyu wa thi-ino. (Amina)

  ANDU A TENE RIRIA MAREMIRE 1. Andu a tene riria maremire Makirega hinya wa iguru Makiuga hinya wa guku thi Ni ukamarehera munyaka. Honokia Jehova Ta uria wahonokirie Nuhu Ngoro yakwa ina maithori Yetereire hinya wa iguru.   2. Ngai akiuga nduraga muoyo Ndingiturania na indo njuru Nguhingura mbura ya iguru Kindu ki muoyo gigathira.   3. Nuhu agithaithana akiugaga Jehova ndagarurukaga Nitwake nyumba twihonokie Kwi marakara ma Jehova.   4. Makiguithia nyumba ya Nuhu Mena hinya wa ngoro ciao Makiugaga irima ni nene Nimakahaica mehonokie.   5. Makiinuka kuria na kunyua Jehova akiumirira Nuhu Akimwira hingo ni nginyu Tonya Thabina nguhonokie.   6. Arata akwa thikiririai Mai mathira niehitire Ndakarehe gikuu kia mai No kia mwaki gitagathira. (Amina)

  MWATHANI NIATHUIRE NGORO CIA MWIGATHO   1.  Mwathani niathuire ngoro cia mwigatho;  Na andu aria menenehagia,  Niakamanyihia othe.    2.  Shaitani egatha, maithoi-ini ma Ngai,  Ngai aheire Mikaeli,  Hinya akimuingata.     3.  Hamani ni ambirwo,  Na njibe egatha;  Oiga ni aturirio maru,  Ni moridekai    4.  Munene wa Babuloni,  Egatha we mwene;  Niatunyirwo Roho wa andu,  Akihana nyamu.    5.  Tondu wa mwigatho,  Wa muthamaki ucio;  Erirwo arie nyeki miaka,  Mugwanja ta ndegwa.    6.  Riria mufarisai,  Egathiire Ngai;  Nienyararithirie muno,  Na agituo mwihia.     7.  Herode aikarira,  Giti akienda agathwo;  Muraika ni amuragire,  Na nyamu ta igunyu    8.  Jehova we wiki,  Nowe wa kugathwo;  Na athaithaguo ni andu othe,  Tondu ni muhoti.  (Amina)

  RIRIA JEHOVA AGETANA 1. Riria Jehova agetana Giti-ini giake githeru Hindi iyo Jesu arahuke Ehumbite uthingu ta Nguo.   Nyumba cia nduriri ciothe Ni ikamemendwo na ihiga Riria riaigirwo Zayuni Kirima-ini kia Jehova .   2. Iburahimu niakona utugi wa Jehova akene Tondu niguo akahingirio Mihitwa na irikaniro.   3. Gaturume niagakoruo Athiururukiirio ni uhoti Na ruhiu rumite kanua Rwakanage ta kimuri.   4. Niakoya kihoto eyohe Gituike mucibi wake Ningi anyite uhoro wama Ta njuguma ya uthamaki.   5. Kuri ciana cia uthamaki Igathinikanio kwa Ngoma Kieha na kinyaririko Kuu nikuo igacemania.   6. Kiria mundu aigite ngoro Nokio gikamutongoria Gietikirwo agae muoyo Na kiaregwo athii kwa Ngoma. (Amina)

 MWIHITWA URIA WA MA MUTHERU 1. Mwihitwa uria wa ma mutheru Wehitirwo ni Gaturume, Giti-ini gia cira wa Ngai Nierire Ithe Baba rugama Ndugacine nyumba ndonye kuo Ngonganie Thahabu iria theru.   2. Hindi iria arikirie kwihita Ndacokire kugaruruka Jesu mutumwo mwihokeku.   3. Niaturanirie na atunyani Na ndangirekia irikaniro Kana aige thi ciirigiriro   4. Niaguire  mahinda matatu Na mutharaba agiukagira Ritwa ria Ithe akirigocithia. (Amina)

  MUROMO MUCEKE NIWA MUOYO-INI 1. Muromo muceke niwa muoyo-ini Na muromo uria mwarii niwa riuriro Tonyerai njira njeke tondu njira njarii Jesu atigire oiga niya riuriro   2. Muthenya wa ciira Jesu akorio ni andu Githi tutiarathaga na ritwa riaku Natukaingata ndaimono ningi tukiruta Mawira ma hinya na ritwa riaku   3. Jesu amacokeirie amere hinga ici,  Mwandiaga na miromo ngoro iri kuraya,  Umai kuri nii inyuothe aganu.   4. Mwathani oimburiire andu magomaine Mundu wothe uhoyaga Mwathani uyu Na ndahingie watho wake ndagatonya iguru No uria uhingagia niakona muoyo   5. Ngoro ya kirimu iikaraga mwago Ningi iriragiria kugocwo ni andu Kwagia thina kana ruo ngoro iyo ikaringwo Ikarundwo ta nyumba ya muthanga-ini.   6. Mathani ma Ngai na watho wa Jesu Ningi uira wa Roho na wa anabii Nita nyumba njake wega ni mwaki uria mugi Kiguu na ruhuho itingimienyenyia. (Amina)

 RIRIA MWATHANI WITU AMBATIRE 1. Riria Mwathani witu ambatire, Kirima-ini ari wiki. Nietirie hinya na umiriru, Wa kuhota Shaitani.   2. Nioigire makinya makwa mothe, Maria nii ndagereire Nomo na inyui mukagerera mo, Na munyuire ikombe icio.   3. Mwanyuira ikombe cia umiriru, Iria nii ndanyuiriire. Ni cia ruo ningi ni cia kieha, Na maithori na thina.   4. Mwihumbei ukiririria wothe, Kunyarirwo na gukua. Mukimenyaga muri thabibu, Nimire na thakame.   5. Ngoro citu itari iranyarirwo, Jesu ndagatutiga. Tondu we ndatiganiiro ni Ithe, Ruo-ini kwa Ayahudi.   6. Mutikamakio ni iria inene, Riria ri mbere yanyu. Kana mumakio ni irima inene. Jesu ni munene wa cio.   7. Turamenwo tondu turi agendi, Natutiri a mucukani. Na tutiri akirathimo giake, Ngai witu ari matu-ini. (Amina)

MENYAGA WEGA NDI GUKU THI 1. Menyaga wega ndi guku thi Giikaro giakwa kiri iguru. Mathina ma thi na mwago wayo, Ciothe niigathira.   Niukaga muoyo wetigira Imakania cia thi na kumenwo ni andu. Gutiri hindi ukagaya muoyo, Wona wetigira.   2. Ngaturanagia na Mwathani Iguru rieru ngarionaga. Ngakena muno ndarikia wira, Wakwa ngahuruke.   3. Njuthagiriria ndi guku thi, Giikaro kiega kiri iguru. Ndamenýa wega iguru na thi, Ciothe niigathira.   4. Mwathani wakwa ndimwendaga, Na ngoro yakwa ngiinaga. Oginya riria ngarikia wira. Wakwa ngahuruke.   5. Ukegwatia ki mundu witu, Thumbi ya muoyo ikiheanwo. Mihang’o ya thi na riri wayo, Nicio iguteaga.   6. Ndungiona thayu wi guku thi, Kuona Mwathani ndawonire. Waga gutoria ndukona muoyo, Uhoro ni mwandike. (Amina)

 PETERO NGOMBO YA NGAI 1. Petero ngombo ya Ngai, Niwe muira wa ruo Ruria ruothe Jesu onire, Muhuro wa riua   2. Ucio ni wa ngwataniro, Ya unene wa iguru Ni athaithire makanitha, Ma nduriri ciothe   3. Ati mariithagie athuri, Na atumia othe Na anake na airitu, Na ciana cia ngenge   4. Merirwo mweka uguo nama, Ni makaheo thumbi Ya unene na ndiumaga, Theru kuri riua   5. Merirwo tongoragiai, Andu a nduriri ciothe Na mithiire ya uthingu, Mutari na itheru   6. Na inyui mwiririirie muoyo, Taiguai mugambo Wa Roho murumie nama Mwinyihie mwathike   7. Ngai witu niaregaga, Gwitikia andu etii Wega wake aitagiriria, Ngoro aria horeri.   8. Ngoro ciiyendeire nama, Ta uria Jesu ambirwo Ngoro yake iyendeire,  Na ndagaruruke.  (Amina)

  NGAI NIERUHAGIA IRIKANIRO 1. Ngai nieruhagia irikaniro Igatuika njeru kuri riua Na ndone kirima kana nduma Cia kumugiria agiuka kuhingia Tondu Ngai etagwo gutoria   2. Ni erire Iburahimu na mugambo Ni ukaingiha ta njata cia matu-ini Nduriri ikarathimwo ni undu waku Onake Iburahimu akimwitikia Ngai akihita na uhoti wake   3. Musa nigakena he Mwathani Tondu ni gitina kia uhonokio Niakiririirie ruo rwa ngoro Ningi ni muciri wa matu-ini Niagatuira nduriri ciira   4. Daudi ni gitina gia uthamaki Nyumba yake ndigathengio tawa Na ndikaaga gitugi gia gucuria Githondeke ni Ngai wa matu-ini Nakio gitugi kiu ni uthingu   5. Jesu niarikaniire na Ithe witu Akiuga niekwiruta muoyo wake Oke acarie maciaro mukuyu-ini Arimire na aitiririe thumu Nguria ningatuika maciaro .   6. Niokire na agikua na akiriuka Na akirikanira na arutwo ake Ambata nake Roho niagoka Wa atume matuike utheri wa thi Ni agacirithia nduriri ciothe   7. Matuku mathira ma gucoka Niagoka na mbarath...

  HINDI IRIA NDI RUGENDO-INI 1. Hindi iria ndi rugendo-ini, Ndina mwihoko ngoro-ini. Ngai wakwa ndakandiga, Ndatura ndimwihokete.   2. Ingiona thina, magerio, Na ng’aragu kana njaga. Ngutura ndi o murathime. Ngai wakwa ndakandiga.   3. Ona thu inginjukirira, Cia mwiri na cia ngoro-ini Ninjui ndio murathime, Ngai wakwa ndakandiga.   4. Ariu a maitu na ariu a baba, Na arata akwa mangindiga. Ninjui ndio murathime Ngai wakwa ndakandiga.   5. Thi ino ingiagirwo uikaro, Ndina Jesu ndingimaka. Ninjui ndio murathime Ngai wakwa ndakandiga.   6. Ona ingikorwo nyonagwo, Ta njerekeire guthira. Ni njui ndio murathime Ngai wakwa ndakandiga.   7. Kahinda kangigakinya Nduirwo kuohwo kana gukua Ninjui ndio murathime Ngai wakwa ndakandiga. (Amina)

NGAI WA UTHINGU WA IBURAHIMU ITHE WITU 1. Ngai wa uthingu wa Iburahimu ithe witu Tondu wa thakame ya Muruguo, thikiriria Muthinjiri uri tha tuitiririe Utugi wa thakame na mai.   2. Niwe mwihoko wa ngoro yakwa, ndugakire Mehia na waganu na mahitia, thambia there Unjitike uri kigongona-ini Kia matu-ini kiiyurite uthingu.   3. Baba ni wairire ngoro miaka mirongo ina Ni andu aria warutire Misiri ukimanina Tiga marakara riganirwo Ni mehia maitu ndugatunine.   4. Ririkana Joshua ngombo yaku we Jehova Ni agiririe Baba ritwa riaku riconorwo Maguta maria wamuitiriirie Ndwamaconorithirie nduriri.   5. Ithanduku ria mwihitwa waku riria itheru Jorodani yarionire ikiura niundu wario Rigithiururukiria Jeriko Matuku mugwanja rikiunanga.   6. Uhoti waku Jehova Ngai wainainirie Ngoro cia Athamaki aria matuire Kaanani othe Tondu mehokete mihianano Nawe ndutarii ta uguo Ithe witu.   7. Ikurukira ngoro cia athuri na atumia Na anake na airitu na ciana cia ngenge Wina irathimo m...

  GIA NA HINYA UMIRIRIE NGORO 1. Gia na hinya umiririe ngoro Uiyuritwo ni Roho Mutheru Umbure uira wa Gaturume Ngoro itegwitigira   2. Rora muoyo waku rora ndugatuike Ta muoyo wa nyoni iria ihiuhaga Igathii ikaingira mutego-ini Igate muoyo wayo   3. Gera njira ndukae gutwarwo Ta mutumumu utari na maitho Kana ta ari gutahwo utahitwo Ni atumwo a maheni   4. Ndukamarumirire ta ndegwa Iria irumagirira muthinji Na ndiui niyo yathii guthinjwo Na ruhiu yume muoyo   5. Nguga nama muthenya wa umuthi Mundu angiura kana agaruruke Ndingiurio thakame ya mundu ucio Witete na uturika.   6. Muthenya na utuku ndinogaga Ngimuthaitha ngiitaga maithori Ngimwira ciugo cia kumuguna, Na ngaiyurwo ni kieha   7. Ndiri ndatithia ta ndi na guoya Ngimuthaitha ngiitaga maithori  Ngimwira mwimenyagirire andu Matikanamuhenie.  (Amina)

  MWATHANI JESU NIAGOOKA 1. Mwathani Jesu Niagooka, Na ruhiu rwa magetha Na giti kia mwago wake, Na thigari cia iguru   2. Ni cio ndungata cia watho, Wa kanua ka Mwathani Niigekirwo indo cia mbara, Ciuge nduriri ciitwo   3. Ningona nduriri ciothe, Iria ikoima guku thi Ciihamwe na Iburahimu, Gitina kia irathimo   4. Jesu niagaciamurania, Tondu niwe Muriithi Amwe matwarwo muoyo-ini, Aria angi maikio riiko   5. Aria magaikio mwaki-ini, Nimakarira morie Niri Mwathani wa guothe, Wahanaga mugendi   6. Nanduone ha kuhuruka, Kana kindu gia kuria? Ndokiire ngoro-ini cianyu, Ngiaga mai ma kunyua   7. Gukena na kurathimwo, Ni ngoro iria horeri Iria iriyaga mathani, Ma kanua ka Mwathani   8. Niikerwo numirirai, Ni inyui mwendetwo ni Awa Ukai muheo igai riria Mwathondekeirwo. (Amina)

  MUCEMANIO WA MATU-INI 1. Mucemanio wa matu-ini Uria wiririirio ni ithui Ni uri na ukengi muingi Na nduma ya wihia ndikonwo ho   Mucemanio wa matu-ini Utigairie o hanini Mucemanio wa matu-ini Gatuma gathira gukie   2. Miiri ya itonga na aremi Na aregi watho mutheru Anyinyi o na aria anene Ni iruga ria nderi cia thi   3. Nguria ngona ki gwathera? Ni maitho ma mwiri wakwa Kana ni maitho ma ngoro Ngarugamia he Mwathani.   4. Nguria ngona ki matu-ini Athingu makiona muoyo Na wakwa nindendirie thi Ngiukurania na ruo?   5. Mwatigwo mukoiga ui Ui iiya ni twatigwo! Ni gwitungatira miiri Na riri wa miago ya thi. (Amina)

  RIRIA ROHO EKUGA OTHE MAHUNJIRIO 1. Riria Roho ekuga othe mahunjirio, Nake ngoma ekuga othe mahitithio. Ciana cia ukengi ithii Jehanam, Thigari cia Jesu mwihuge muno. Tondu nimwititwo mutonye uhiki. Uui iya niundu wa tukenge Na andu aria aremi.   2. Ngoro cia atumumu na andu aria a ndigwa, Ciaga kwiririria muoyo wa iguru. Ni ikerwo ndimui hamwe na aremi, Na itonga na anene na athamaki a thi. Tondu Roho ekuga othe no merire.   3. Jesu etiire andu othe ena maithori, Ehumbite kanju itari rutumo. Nacio ngoro nyingi ikiamba kumaka, Ciona uhoti wake na umiriru. Na kuringa ciama na kuhonania.   4. Ni aringirwo ni tha hindi iria onire, Cionje icuthiriirie mwena uria oimaga, Cietereire maai maheo uhoti, Muthenya wa kiumia ni ahonanirie, Nacio ngoro nyingi igiturwo muno.   5. Kuri ciira ugoka wa Jehanamu, Jesu ni eguthaitha ciana cia utharia. Ciurage mithiire yao ya tene, Nake roho wa ma mamwinyihirie, Nake ni egutonya nyumba ya ngoro.   6. Ngai ni etereire ngoro i...

  CIANA CIA BABA NITUINE 1. Ciana cia Baba nituine, Rwimbo twina kimako Tondu Roho niegutuonia, Mwaki ukirie guitika.   Nguigua na matu nii, Na ngona na maitho nii Mwathani akirie guka, Na mwaki na ubiriti Nainyui ciana cia uthamaki, Muikare mwikuraine.   2. Ndikumakio ni utonga, Kana kuria na kunyua Ngumakio ni ngiuria hihi, Roho ni anyandikaga.   3. Ndukamakio ni wihia, Uria wehirie na mbere Ta umakio ni uria wihitie, Nginya Roho akwamura   4. Ti utharia wiki na uici, Ona ti kuragana Kumena mundu na maitho,  Ona ing'enyo na muku   5. Andu aria mari na Roho, Amwe nimegarurite Macambithie riitwa riri, Na matingiconoka.   6. Caitani akerwo ni eyumbe, Murimo uria na andu ake Merorere Gaturume, Uria ekuinirwo ni ngiri. (Amina)

  HINDI INO NI ITHIRIRO 1. Hindi ino ni ithiriro ria maundu mothe Mundu ukwenda kugaya muoyo ni augae Tondu ngoro cia andu aingi niikugaya gikuu Ciiririirie maundu maria mari thi-ino   Nguria ni gugaciarwo aira ehokeku Moimburage mathani matari na guoya Ngoro ciao ciamenya ni ageni guku thi   2. Anabii me iguru metereire aira Aria makomiriria kumbura mathani Ta uria  momiriirie riria marathaga Mena maithori maingi Na ruo rwa ngoro   3. Ithuothe twetereirwo giti-ini gia cira Kiria kirigiciirio ni iti cia athuuri aria Mirongo iiri na ana mehumbite uthingu Na magekira thumbi cia thahabu mitwe   4. Acio nio matuirwo kiama kia Jehova Ni ngombo cia igongona ria Roho Mutheru Mahoi mambatite ma ngoro iria thingu Magocaga Ithe witu makoiga Amen. (Amina)

 NDIRICA CIA IGURU NIIKAHINGURWO 1. Ndirica cia iguru niikahingurwo Na mirango yothe niikahingurwo. Mundu uria ukwenda kumuhikira, Ni oe muti wake wa kwambwo naguo   2. Nawe ngoro yakwa nduri uramenya Mwana ehokaga ithe wihoke Jesu.   3. Riu twetereire gikuu kia mwaki Na maithori maingi matagathira.   4. Muthenya wa cira noguo mukona, Aria metikitie makihonoka. (Amina)

 JESU NIAGACOKA GUKU THI INO 1. Jesu niagacoka guku thi ino, Kuruta cira na kihoto. Na inyui mugacokia uhoro uriku, Mbere ya giti kia uhonokio? Ni akongania aria othe mamwihokete, Amaige guoko-ini kwa urio. Eki uru nao nimakaingatwo, Na caitani wao ohamwe.   2. Gutiri gitonga kana muthini, Gutiri muthamaki ugathurwo. Ithui othe tugakorwo twi kindu kimwe, Mbere ya giti kia uhonokio.   3. O ritwa ria mundu niriandikitwo, Thiini wa ibuku ria Mwathani O mundu o mundu niagetwara ho Mbere ya giti kia uhonokio.   4. Muthenya ucio niugakorwo wi munene, Wa nduriri ciothe cia thi-ino O na araika kuu matu-ini. Nimakambiriria kuinaina. (Amina)